ليه الزوج دائم الشكوى من زوجته وبيدى لنفسه الحق انه يخونها؟

بصوا يا جماعة الموضوع دا مهم جدا لانى مش قادرة ارتبط وخايفة جدا من الارتباط ومش عرفه اخد قرار لان عمرى ماقبلت اى حد متجوز وقالى انه سعيد وخصوصا الرجال كثيرين اللوم على النساء ودائمين الشكوى والانتقاض كل رجل يتمنى الانسانه التى اعجب بها وقام بخطبتها وتزوجها ولا يقبلها بعد حدوث التغيرات الفسيولوجيه التى تطرأ عليها بعد الزواج والحمل والولاده اشعر ان الرجل انانى جدا يريد من تهتم به طول الوقت ولا يغفر لها يوما انشغلت عنه بالاطفال او امور البيت
ومن خلال النت معظم الازواج بسبب التكنولوجيا التى ادخلتها الهيئات الحكوميه وكانت نقمة على السيدات وهى الانترنت الرجل طول ماهو فى الشغل او عالنت عموما يعمل صدقات وعلاقات عالنت ويعطى لنفسه الحق عشان مراته مش بتهتم بيه ومشغولة بالاولاد والبيت وانا قبلت كثيرا من الرجال ولاسف معظهم العاملين بالدول العربيه
يلوم على زوجته لانها تركته بمفرده وهو فى اشد الاحتياج لها وهو محق انه يبحث عن شريك له فى الغربه وفى الحقيقة ترى ان الزوجه المسكينه كل امنياتها ان تعيش مع زوجها بس بسبب مدارس الاطفال والحياه الغاليه برا مصر تضطر الى الاقامة بعيدا عن زوجها وهو لا يقدر ذلك مع انه السبب فى انها تركته لتشيل مسئولية الاطفال بمفردها وكمان متلاقيش تقدير منه
وكمان النوع التانى الذي يعمل بالخارج ويقابل بنت بتشتغل برده ويرسم عليها ويتجوزها ويوم ماتتعب ومتشتغلش هنا تبان النوايا السيئه ويتغير تمما المعاملة بينهما وصبح الزوج دائما التكشير ومش طيقها لانها عبيء عليه هو تزوجها وهى تعال نفسها دلوئتى هو لا يقدر تحمل مسئوليتها لانه باختصار لن يعمل حساب لليوم دا
وهناك النوع الثالث اى النوع الذي لا يختار شريكة حياته بتئنى بسبب ظروف شغله بالخارج التى لا تتيح له التعرف واختيار الشريكه المناسبه عن حب واقتناع ويضطر خلال مده اجازته مهما كانت مدتها الى خطبة وزواج واحده يعرفها لاول مرة ويتركها ويسافر او ياخذها معه وبعد مرور شهرين يتركها ويبدا يلجاء للنت ويبحث عن اخرى ويبدا يشكى لها همة انه تزوج ممن لا تفهمه ومختلفه عنه تماما ودى كتيرة اوى ونسبة الطلاق كتيرة بسبب ذلك ولا يعطى لنفسه ولها فرصه للتقارب الافكار ووجهات النظر

اخوانى اخواتى انا لا ابالغ وعارفه ان معظمكم مش هيعجبه كلامى وهينتقضنى مع انه فى قرة نفسه يعلم انا هذا يحدث


زمان كنا نسمع عن رجالة شهمة وكلها رجولة وولاد بلد لا ينتظر مراته تشتغل ولا يطمع فى مرتبها
هل لسه في رجل يبحث عن الحب ويريد يتزوج واحده لشخصها او لكيانها
هل لسه فى رجل يضحى من اجل حبيبنة
هل لسه في رجل لم تحركه المادة
هل لسه في رجل لا يخون ويحترم زوجته ويحبها مهمها تغيرت او اهملت فى نفسها
هل لسه في رجل يحب زوجته ويشجعها وينصحها لو ااخطأت ويرعاه
هل لسه في رجل لن ينساق واء غرائزة ويهدم بيته وترك زوجته واولاده

بجد اريد النصيحه وخصوصا المتزوجين ومخلصين كيف السبيل انا نفسي استقر ويبقي عندى بيت وولاد بس معنديش الثقه فى اى رجل
ودايما بادعى ربنا بالرجل الصالح ولما يتقدملى حد باحتار اصلي صلاة استخارة والشك برده مش بيسبنى ومش برتاح الا لما الموضوع يفشل بحس بسعاده وحرية
انصحونى اهل الخبرة كيف افرق بين الرجل الكاذب والصادق
المخادع والامين
لانى حسه من كتر حرصي ممكن اقع فى شر اعمالى
معلش اطلت عليكم تحياتى نانا